Kirol Kontseilu Gorenak emakumeen kirola sustatzeko federazioentzako urteko lehen laguntzak iragarri ditu

• 840.000 euroko balioarekin, Espainiako Kirol Federazioek eskatu ahal izango dituzte, kirolaren esparru guztietan emakumeen parte-hartzea sustatzeko programetarako.
• Aurrekontuek 15 milioi euro emango dizkiote CSDri aurten, emakumeen berdintasunaren aldeko jarduketetarako

Madrilen, 2021eko urtarrilaren 28an.- Kirol Kontseilu Gorenak (CSD) epea ireki du Espainiako kirol-federazioek 2021ean kirol-arlo guztietan emakumeen parte-hartzea sustatzera, erraztera eta handitzera bideratutako jardueretarako laguntzak eskatu ahal izan ditzaten.

Irene Lozano CSDko presidenteak sinatutako ebazpenak, gaur BOEn argitaratu denak, 840.000 euro arteko zenbatekoa ezartzen du Emakumea eta Kirola Programarako. Horrela, Espainiako kirol-federazioek laguntzak eskatu ahal izango dituzte honako helburu hauek dituzten ekimen eta jarduketetarako: emakumea kirolean sustatu eta hedatzea, prestakuntza, tekniken, epaileen eta federazioko langileen joan-etorriak, berdintasun-planak egitea eta, azkenik, kontratazio berrietarako. Eskaerak aurkezteko epea hamabost lanegunekoa izango da, bihartik, urtarrilaren 29tik, aurrera.

“Emakumeen kirola babestea da Kontseiluaren jarduera-ardatz nagusietako bat. Aurten, aurrekontu berriei esker, 15 milioi euro izango ditugu sustatzeko eta bultzatzeko, ohiko kapituluen eta Europako funtsen artean. Emakume eta Kirolarentzako laguntza hauek, etxe honetatik datozen hilabeteetan martxan jarriko ditugun ekimen ugarietako bat besterik ez dira”, iritzi dio Irene Lozano presidenteak.

Informazio gehiago: https://www.boe.es/diario_boe/txt.php?id=BOE-B-2021-3569