Convocatoria de axudas "Universo Muller II" a técnicas e adestradoras

Esta convocatoria enmárcase no programa Universo Muller de difusión do deporte feminino, cuxas liñas de actuación inclúen a formación especializada, dirixida a todos os colectivos que conforman o deporte.

As bolsas irán destinadas a cubrir o importe da matrícula do curso de Técnico Deportivo de Grao Medio ou de Grao Superior das disciplinas de Atletismo, Bádminton, Balonmán, Boxeo, Deportes de Xeo, Esgrima, Fútbol, Hockey, Kárate, Piragüismo, Rugby, Surf, Tenis de Mesa, Tríatlon, Ximnasia e Voleibol.

Consulta as bases para optar a esta convocatoria na sección EMPRESA E DEPORTE da nosa web, dentro do programa UNIVERSO MULLER II. Neste apartado, atoparás o formulario de solicitude da axuda. O prazo de presentación de solicitudes permanecerá aberto ata o 30 de xuño de 2020.