Protocolo de actuación contra a violencia nos Centros de Alto Rendemento do CSD

Documento elaborado polo Consello Superior de Deportes co obxectivo de previr, detectar e combater os casos de violencia que poidan producirse na súa rede de Centros de Alto Rendemento. 

A violencia, en calquera das súas manifestacións, é unha forma grave de vulneración de dereitos fundamentais como a dignidade, a liberdade persoal e a integridade física, psicolóxica e moral. 

Lamentablemente, é un problema que afecta a persoas de todas as idades e prodúcese en todos os ámbitos da sociedade, especialmente nun colectivo máis vulnerable como é a infancia e a mocidade. 

Para previla, evitala e combatela, España impulsou numerosos instrumentos e normativas que instan as Administracións Públicas a regular protocolos de actuación ante posibles situacións de violencia. Entre elas, aquelas que poidan producirse no ámbito deportivo e de lecer. 

Con este obxectivo o Consello Superior de Deportes elaborou o Protocolo de actuación contra a violencia nos Centros de Alto Rendemento do CSD, aplicable a toda a actividade, interna e externa, desenvolvida polo CAR, tanto na relación coas propias persoas deportistas, como con todo o persoal técnico e auxiliar, con independencia do tipo de vinculación, relación laboral e tipoloxía de contrato que manteñan coa entidade.

O documento debulla o ámbito de aplicación, a definición de formas de violencia para poder detectalas, o procedemento a seguir ante casos de violencia e os modelos de declaración de principios e de solicitude de axuda.