O Consello de Ministros aproba 16 millóns para os programas Team España do CSD

• O Goberno autoriza ao Consello Superior de Deportes as axudas destinadas aos programas Team España Élite e Team España Interese Estratéxico do ano 2022, cos cales se pretende impulsar a preparación de deportistas olímpicos, paralímpicos e de especialidades estratéxicas para a proxección do deporte español no mundo

• La partida de 16 millóns -dun total de 48 millóns durante todo o ciclo olímpico- nútrese dos fondos dos Pactos de Viana e distribuirase entre as Federacións Deportivas e deportistas segundo criterios técnicos establecidos por unha comisión de valoración do CSD

Madrid, 4 de outubro 2022. O Consello de Ministros, a pedimento do ministro de Cultura e Deporte, Miquel Iceta, aprobou na súa reunión de hoxe o acordo polo que se autoriza ao Consello Superior de Deportes (CSD) a convocatoria correspondente ao ano 2022 de axudas ás Federacións Deportivas Españolas (FFDDEE) para levar a cabo os programas Team España, por un importe de 16 millóns de euros.

Se trata dunha aposta histórica do Goberno de España polo impulso de todos os deportes, que ten como obxectivo principal intensificar a preparación e o rendemento dos e as deportistas españois co fin de superar os resultados logrados nos Xogos Olímpicos de Barcelona 92 -que seguen sendo o teito de cristal do olimpismo español- e seguir sendo unha potencia mundial de primeira orde nos Xogos Paralímpicos.

Unha inxección económica de 16 millóns para este ano -dun total de 48 millóns para o que queda de ciclo olímpico ata París 2024- que se nutre dos fondos dos Pactos de Viana -ingresos obtidos da comercialización de dereitos audiovisuais do fútbol profesional- e cuxa distribución entre os e as deportistas canalizarase a través das FFDDEE. Unha comisión de valoración do Consello será a que decida a lista final de beneficiarios, sempre por proposta das citadas Federacións.

“Team España é un dos programas que con máis ilusión e esforzo deseñamos no Consello ao longo deste ano. O noso obxectivo é revolucionar a preparación olímpica e paralímpica dos nosos atletas que, á fin e ao cabo, levan o bo nome de España por todo o mundo, co plan público orzamentario máis ambicioso para eles”, asevera o secretario de Estado para o Deporte e presidente do CSD, José Manuel Franco. “Imos apoiar con Élite a atletismo, bádminton, baloncesto, ciclismo, deportes de xeo e inverno, esgrima ou ximnasia, e así ata corenta disciplinas”, engade.

Team España Élite e Team España Interese Estratéxico

En concreto, os novos programas de preparación deportiva postos en marcha polo CSD divídense en dous bloques. Por unha banda, Team España Élite engloba aos deportistas e equipos españois con posibilidades de conseguir unha praza entre o oito mellores nos próximos JJOO e un podio nos Xogos Paralímpicos.

E, por outra banda, Team España Interese Estratéxico está dirixido a deportistas que garantan a continuidade nos éxitos españois en especialidades non olímpicas, pero de gran peso na proxección da imaxe de España no mundo, como o motociclismo ou o automobilismo, entre outros. Este capítulo tamén apoiará a deportes profesionais como o tenis e o golf -á marxe das axudas ordinarias de Élite-, que poderán recibir axudas para o desenvolvemento da base da elite en función de proxectos concretos que presenten as súas Federacións.

De esta forma, ademais do financiamento ordinario, o CSD concede a través de Team España unha dotación adicional de recursos ás FFDDEE que serve tamén para acordar conxuntamente obxectivos de máximo nivel deportivo para cada un deles, atendendo así a un financiamento específico e finalista. Valorarase o grao de necesidade individual de cada deportista e equipo, tendo en conta aspectos como a necesidade de concentracións permanentes ou puntuais en España ou outros países; a preparación nos seus lugares de residencia habituais; a preparación para competicións internacionais clasificatorias para as citas olímpicas e paralímpicas; ou os requirimentos tecnolóxicos ou de material deportivo, entre outros moitos.