O CSD garante aos deportistas o cobro total das bolsas ADO para o ano 2021

• Reunión telemática da presidenta do Consello, Irene Lozano, e do director xeral de ADO, José Antonio Fernández Herrero, cos beneficiarios do programa

Madrid, 30 de outubro de 2020. La presidenta do Consello Superior de Deportes, Irene Lozano, garantiu hoxe aos deportistas que integran o programa ADO que as súas bolsas de preparación para os JJ.OO de Tokio están aseguradas: “Vós só tedes que pensar na vosa preparación, que nada vos distraia. As bolsas que estades a percibir están garantidas integramente. Asegúrovolo”, manifestou, tras as informacións aparecidas en varios medios de comunicación respecto da evolución económica dun programa que foi un éxito desde Barcelona 92.

Esta afirmación pública da secretaria de Estado produciuse hoxe venres ante máis de 130 deportistas que integran o Plan nun contacto que tivo lugar de forma telemática esta mesma mañá. Irene Lozano quixo dar certeza aos deportistas españois despois de que aparecesen algunhas informacións nas que se recollía unha diminución nas achegas do programa.

A presidenta do Consello informoulles de que se non houbese outra vía para completar o orzamento establecido, o CSD garantiría dita achega, de modo que ningunha das bolsas sufrise mingua algunha na súa totalidade. Ademais o proxecto de orzamentos xerais do Estado aprobado polo Consello de Ministros contempla un incremento do 22,5% da partida destinada ao deporte con respecto ao pasado ano.

“O CSD vai estar convosco, tanto este ano como en 2021” asegurou Lozano, quen ademais incidiu no compromiso do Goberno por seguir traballando para manter as actuais condicións de seguridade que permiten os adestramentos dos deportistas nos Centros de Alto Rendemento, grazas ao programa Concentrados en Tokio.

En este sentido, a secretaria de Estado para o Deporte lembrou que o CAR de Madrid, dentro das medidas implementadas para garantir a protección da saúde de técnicos e deportistas fronte á Covid-19, conta xa con dúas máquinas de realización de probas PCR que “reforzan a seguridade sanitaria e a vixilancia fronte á pandemia”.

A presidenta do CSD aproveitou a oportunidade para presentar aos deportistas ao novo director Xeral de ADO, José Antonio Fernández Herrero, quen foi nomeado na pasada Asemblea Xeral de ADO co visto e prace de todos os compoñentes.

Fernández Herrero, manifestou o seu agradecemento ás empresas que na actualidade seguen apostando por este programa, á vez que reiterou a súa intención de manter un contacto directo que os deportistas bolseiros. “Sodes a razón de ser de ADO, por iso queremos seguir estando preto de vós e coñecer todas as vosas inquietudes”.

O orzamento do programa ADO neste ciclo olímpico, que foi de 5 anos polo adiamento dos JJ.OO pola pandemia, ascendeu a 38.187.500 euros, dos cales o CSD foi o “patrocinador” principal cunha achega de 16.100.000 euros, cubrindo o CSD co 56%, 61% e 62% de todo o orzamento nos anos 2018, 2019 e 2020.