O CSD recupera as axudas para a investigación en Ciencias do Deporte

Madrid, 07 de maio de 2019. O Consello Superior de Deportes (CSD) publicou hoxe a convocatoria das axudas para 2019 destinadas á creación de “Redes de Investigación en Ciencias do Deporte”. Recupérase así unha liña de apoio económico á investigación que non se convocaba desde o ano 2012 e que fomenta a creación de espazos de intercambio entre universidades. 

La Subdirección Xeral de Muller e Deporte será a encargada de xestionar estas axudas, ás que poderán optar tanto Universidades públicas como privadas. Terán prioridade os proxectos que aborden temas relacionados con muller e deporte, deporte inclusivo, actividade física e saúde, adestramento deportivo, ciencia cidadá ou novas tecnoloxías aplicadas ao deporte entre outras.

A creación destas ‘redes’ é unha iniciativa do Consello Superior de Deportes para impulsar o pensamento e a investigación como motor de progreso económico e social. Un dos principais retos é lograr a excelencia docente e investigadora para asumir cada vez retos científicos máis ambiciosos que manteñan a España na vangarda do coñecemento a nivel internacional.

Así mesmo, outro dos obxectivos é que estas ‘redes’ de coñecemento poidan interactuar co tecido empresarial e deportivo. O texto completo para acceder ás axudas está dispoñible na seguinte ligazón: https://sede.csd.gob.es/oficinavirtual/FichaTramite.aspx?idProcedimiento=117&botonSeleccionado=0