O Goberno autoriza ao CSD a tramitar máis 53 millóns de euros de axudas ás federacións deportivas españolas

• Esta cifra supón un incremento do 8,9% con respecto ao ano pasado, máis de 4 millóns
• Como novidade resérvase un 4% para paliar os efectos negativos provocados pola pandemia da Covid-19
• O CSD contará este ano cun orzamento global de 251 millóns de euros, o maior para o deporte desde Barcelona ‘92
• La presidenta do Consello, Irene Lozano, asegura que “o Goberno converteu o deporte nunha das pancas nas que apoiar a recuperación”

Madrid, 23 de marzo de 2020. O Consello de Ministros autorizou esta mañá ao Consello Superior de Deportes (CSD) a convocatoria das axudas ás federacións deportivas españolas para o ano 2021. A partida deste ano ascende a 53.133.370 de euros, o que supón un incremento dun 8,9% con respecto ao exercicio anterior, é dicir, unha subida de máis de catro millóns.

Ademais, outras das principais novidades da convocatoria deste ano é que se reserva unha cantidade de máis de 2,1 millóns de euros a paliar os efectos negativos provocados pola pandemia da Covid-19. Esta cantidade distribuirase entre os solicitantes segundo criterios estratéxicos económicos de contención.

A convocatoria aprobada hoxe ten un carácter anual, en réxime de concorrencia competitiva, e mediante a cal o CSD concede axudas e subvencións ás entidades federativas coa finalidade de optimizar a preparación deportiva e os resultados dos equipos e deportistas que representan a España nas competicións deportivas internacionais. Ao tratarse dun ano olímpico nos deportes de verán, o obxectivo para os mesmos debe culminar coa consecución da clasificación para os Xogos Olímpicos (JJOO) e Xogos Paralímpicos (JJPP).

Otras das súas finalidades son o fomento cuantitativo e cualitativo das competicións nacionais e internacionais; a formación e perfeccionamento de técnicos deportivos e de xuíces, árbitros ou equivalentes; o fomento da participación da muller en todos os ámbitos do deporte; os programas de tecnificación deportiva para promover o desenvolvemento deportivo na alta competición; así como axudas para promover a adecuada representación de directivos de España nas federacións deportivas internacionais.

Este ano o Consello contará cun orzamento global de 251 millóns de euros, o maior orzamento para o deporte desde Barcelona ´92. Deles, un total de 66,8 estarán destinados ás federacións deportivas españolas, unha cifra que engloba a partida das axudas convocadas hoxe, así como outras fixadas noutros conceptos. Ademais, a esta cantidade hai que engadir 17 millóns derivados dos ingresos pola venda dos dereitos audiovisuais en cumprimento do Real Decreto Lei 5/2015.

Para a presidenta do Consello, Irene Lozano, “o orzamento do CSD, que é histórico en 2021, vai axudar ás federacións e ao sector no seu conxunto na conxuntura máis complexa que todos lembramos nos últimos anos. O Goberno converteu o deporte nunha das pancas nas que apoiar a recuperación e iso vaise a notar en todas as partidas”.