Convocatoria de axudas a mulleres deportistas no ano 2025

O 22 de maio publicouse no BOE o extracto da Resolución da Presidencia do CSD pola que se convocan axudas a mulleres deportistas no ano 2025.

Ligazón ao BOE : Axudas a mulleres deportistas no ano 2025

Esta convocatoria vai destinada a axudas a mulleres deportistas nas seguintes situacións:

-              Axudas para maternidade por nacemento, adopción, garda con fins de adopción, ou acollemento, tanto temporal como permanente, de duración non inferior a un ano e que se produciu durante o ano 2024, de mulleres que teñan a consideración de Deportistas de Alto Nivel (DAN) no momento da data de finalización do prazo de presentación de solicitudes.

-              Axudas a mulleres Deportistas de Alto Nivel (DAN) e Deportistas de Alto Rendemento (DAR) que teñan acreditada polo CSD esta consideración no momento da data de finalización do prazo de presentación de solicitudes, para conciliación da vida deportiva e familiar con fillos/as menores de tres anos, matriculados en centros de educación infantil, gardarías ou a cargo de persoal coidador durante o ano 2025.

-              Axudas a mulleres Deportistas de Alto Nivel (DAN) e Deportistas de Alto Rendemento (DAR) que teñan acreditada polo CSD esta consideración no momento da data de finalización do prazo de presentación de solicitudes, para formación académica regulada referida ao curso académico 2024-2025, co fin de iniciar ou proseguir ensinos conducentes á obtención dun título ou certificado de carácter oficial con validez en todo o territorio nacional.

O prazo para presentar solicitudes ábrese o día 23 de maio, finalizando o 12 de xuño. Para máis información, así como para a súa solicitude e tramitación, dirixirse á ligazón da Sede Electrónica do Consello Superior de Deportes: 

Ligazón á sede electrónica do CSD