Lucía Martín-Portugués e José Luis Álvarez: cando a coraxe sen control atopou a mellor estratexia na pista
A tiradora de esgrima Lucía Martín-Portugués e o seu adestrador, José Luis Álvarez, protagonizan unha nova entrega do proxecto “O que aprendín do meu adestrador
Madrid, 28 de novembro de 2023.- O Consello Superior de Deportes (CSD) lanza esta semana unha nova edición do programa “O que aprendín do meu adestrador”, que conta como protagonistas coa tiradora Lucía Martín-Portugués e o seu adestrador, José Luis Álvarez.
A través de un diálogo entre deportista e adestrador, gravado nas instalacións do Centro de Alto Rendemento (CAR) de Madrid, ambos analizan as claves dun traballo conxunto que conseguiu situar ao equipo español entre os mellores do mundo.
Aos seus 33 anos, Lucía Martín-Portugués vive o mellor momento da súa carreira. En 2022 logrou as medallas de ouro, prata e bronce nas Copas do Mundo de Alxer, Atenas e Istambul, respectivamente. Este ano conseguiu unha prata no Gran Premio de Tunes.
Su próximo reto é conseguir unha praza nos Xogos Olímpicos de París 2024.
Pola súa banda, a ampla traxectoria como adestrador de José Luis Álvarez inclúe un exitoso periplo á fronte da selección de México que competiu nos Xogos de Río 2016.
Con España fixo historia ao acompañar por primeira ao podio dunha Copa do Mundo ao equipo feminino de sabre.
Confianza e ambición
A charla entre Lucía Martín-Portugués e o seu adestrador, José Luis Álvarez, desvela algúns detalles do seu traballo diario e describe anécdotas vividas dentro e fóra da competición de dúas das figuras máis relevantes da esgrima española.
“Eu como persoa son lume e José Luis ensinoume como controlar iso. O control e a disciplina é o que máis aprendín del, xunto coa importancia da estratexia. Ti podes pór todo o teu corazón, pero se non tes un plan, non chegas a ningún sitio”, confesa Lucía Martín-Portugués.
“Lucía pon moito corazón, moita coraxe, moitas ganas, pero eu vin que a súa debilidade estaba en que non tiña un plan. Chegaba aos combates e non tiña estratexia. Por iso sempre pensei que tiña que montar un plan para ela”, explica José Luis Álvarez.
Juntos construíron “un proxecto en común”, baseado na confianza e na ambición.
Acerca de “O que aprendín do meu adestrador”
Este proxecto, impulsado polo Centro Superior de Ensinos Deportivos (CSED) do Consello Superior de Deportes, ten como obxectivo pór en valor a figura do adestrador e o seu importante labor á hora de mellorar a preparación, a progresión e a consecución dos éxitos daqueles deportistas cos que traballan.
A través de un diálogo abordan aspectos como a importancia da figura do técnico ou as cualidades que debe posuír para realizar o seu traballo na mellor das condicións. Ademais, analízanse cuestións como o método de traballo empregado, as súas experiencias na competición ou as súas ideas sobre os aspectos psicolóxicos no ámbito do deporte.
Entrevista completa a Lucía Martín-Portugués e José Luis Álvarez: