María José Renda: “O labor dos adestradores é fundamental no noso sistema deportivo e debemos prestigiar e reivindicar o seu traballo”

• 29 cursos de 11 modalidades deportivas arrincarán no CSED nos próximos días

Madrid, 04 de outubro de 2018. A presidenta do Consello Superior de Deportes, María José Renda, acompañada polo director xeral, Mariano Soriano, inaugurou esta mañá o curso académico do Centro Superior de Ensinos Deportivos (CSED), o centro de formación de adestradores do Consello Superior de Deportes. 



A secretaria de Estado para o Deporte presentou a oferta formativa do CSED prevista para este trimestre. Trátase de 29 cursos de 11 modalidades deportivas distintas entre as que se inclúen xadrez, ximnasia, halterofilia, pádel, rugby, tenis, tiro con arco, bádminton, caza, tríatlon e loita. 



María José Renda aproveitou a ocasión para resaltar a importancia que teñen os adestradores no noso sistema deportivo. “Debemos prestigiar e reivindicar o labor dos nosos adestradores. Eles non só son responsables dos éxitos dos nosos deportistas, senón tamén dos valores que transmiten cada día, alá onde van. Eu que fun deportista podo dicir que nos guían, motívannos contáxiannos a paixón polo deporte, achegando riqueza a toda a nosa contorna e en definitiva a todos os cidadáns”, afirmou.



A presidenta do CSD fixo especial fincapé na importancia do carácter público do CSED: “Estamos moi orgullosos de que sexa un centro público, porque esta formación de calidade chegará a todos os recunchos de España”.   



María José Renda valorou, así mesmo, o traballo das federacións deportivas, figuras crave na preparación dos técnicos. “A formación dos adestradores debe ir da man das federacións deportivas. Son un elo fundamental da nosa engrenaxe deportiva que nos permite identificar as necesidades dos nosos deportistas”.

Ao acto asistiron, ademais da presidenta do CSD, o director do CSED, José Luís Sánchez; Santiago Santos, seleccionador nacional masculino de Rugby XV, e o director xeral do CSD, Mariano Soriano. 



Sánchez destacou a evolución do CSED, afirmando que “ha ido crecendo desde 2015 para chegar a formar a 100 titores e 2.000 alumnos”. Tamén destacou “a calidade e a excelencia do centro, cuxo centro é o alumno, e co obxectivo de formar líderes sexa para o deporte basee, o de tecnificación, ou o de alto rendemento”.



Santiago Santos tamén incidiu nesta idea, pois destacou que “os adestradores que se forman no CSED son a base do deporte, sexa para o desenvolvemento social, emotivo, mental… non é tanto saber moito dun deporte, senón crear unha cultura para transmitir os valores que leva o deporte. Temos que formar líderes para que o deporte español sexa cada vez máis grande”.   



O Centro Superior de Ensinos Deportivos (CSED) é o centro de formación de técnicos do Consello Superior de Deportes. O CSED naceu en 2016 e xa formou a máis de 2000 alumnos, entre eles deportistas de alto nivel e alto rendemento. 



A misión do CSED como centro público é a formación de técnicos de prestixio e a construción dunha cultura de aprendizaxe permanente no sistema deportivo español.