O CSD e España Global difundirán no mundo o modelo español de deporte seguro

• El secretario de Estado Manuel Muñiz visita as instalacións do CAR de Madrid
• Irene Lozano lembra que a OMS encomiou a España polo modelo deportivo utilizado en pandemia: “Temos que coidar esa boa imaxe e seguir demostrando que é compatible facer deporte e coidar a saúde”

Madrid, 16 de decembro de 2020. A presidenta do Consello Superior de Deportes (CSD), Irene Lozano, mantivo hoxe unha reunión co secretario de Estado da de España Global, Manuel Muñiz, co fin de seguir axuntando esforzos e traballo de maneira estreita e coordinada nas políticas de deporte seguro. Cabe lembrar que a Organización Mundial da Saúde (OMS) encomiou a maneira en que o deporte español afrontou a desescalada e a evolución da pandemia, grazas a unha estratexia de diálogo frutífera entre  todos  os  axentes  do sector  –Consello,  Federaciones Deportivas, organizadores, COE e CPE- e aos protocolos sanitarios pactados de maneira conxunta.

Os dous secretarios de Estado coincidiron na necesidade de non baixar a garda nas medidas hixiénico sanitarias no ámbito do deporte nacional e internacional que se disputa no noso país e na necesidade de seguir mandando á comunidade internacional as mensaxes de que España é un destino seguro para a organización de competicións e os nosos deportistas adestran e compiten baixo as máis estritas medidas de prevención que garanten a súa saúde.

Así demostrouse, de feito, ao final da tempada 2019/2020 coa continuación das ligas de fútbol profesional (especialmente a liga Santander, a primeira gran competición global que regresou en pandemia); a burbulla que permitiu celebrar en Valencia a fase final da ACB de baloncesto; a Volta a Burgos e, con posterioridade a Volta ciclista a España; así como a celebración diferentes carreiras de Moto GP e Fórmula 1. Todo iso baixo o acubillo do Grupo de Tarefas para o Impulso do Deporte (GTID) no que están presentes todos os actores do sector.

Irene Lozano lembrou, ao termo da visita de Manuel Muñiz que “temos que seguir coidando a boa imaxe que o noso deporte logrou no mundo, non xa só pola súa historia de éxitos senón pola forma segura en que está a afrontar a pandemia”. “Imos seguir demostrando que é compatible facer deporte e coidar a saúde”, remachou.