O CSD pon en marcha o proxecto de profesionalización do fútbol feminino

Reunión de Irene Lozano con todos os clubs da liga de Primeira División de fútbol feminino.
  • Irene Lozano reúne na sede do Consello a presidentes e directivos de todos os clubs da liga de Primeira División de fútbol feminino que será profesional a partir da próxima tempada
  • Mañá, a secretaria de Estado explicará ás capitás dos equipos o proxecto da futura competición profesional feminina na que xa se traballa para que sexa innovadora e sustentable, económica e deportivamente

Madrid, 01 de decembro de 2020. A presidenta do Consello Superior de Deportes (CSD), Irene Lozano, presidiu hoxe unha reunión de traballo con presidentes e directivos de todos os clubs que integran a Primeira División do fútbol feminino  (Liga Iberdrola) na que se materializou o lanzamento do proxecto de profesionalización do fútbol feminino en España.

"A profesionalización do fútbol feminino será unha realidade a próxima tempada, o que supón unha enorme satisfacción, sobre todo por contar co apoio, a confianza e a ilusión de todos os clubs que percibiron que este proxecto vai en serio”, asegurou Lozano.

O encontro, que contou coa asistencia presencial dunha vintena de directivos de clubs da liga feminina – o resto seguiu a reunión de forma telématica -, celebrouse nun clima de cordialidade e dentro dun afán positivo e construtivo, cunha dose de confianza moi alta entre todos os participantes.

"A idea de manter esta reunión cos clubs era pulsar o seu interese, o seu compromiso e a súa ilusión, algo que demostraron de maneira absoluta", recoñeceu a presidenta do CSD, quen ademais, quixo deixar claro que "aínda quedan moitos pasos e moitas dificultades no camiño". A pesar diso, Lozano mostrouse convencida que "esas crises, con boa vontade, creatividade, confianza e espírito construtivo vanse a superar".

O CSD constituíu xa un grupo de traballo no que se avanza a contrarreloxo para pór en marcha, o máis axiña posible, unha competición profesional feminina sustentable, tanto económica como deportivamente, e innovadora.

Mañá mércores, Irene Lozano explicará ás capitás dos equipos o proxecto da futura competición profesional feminina.

"Hoxe é o día en que se lanza o proxecto de profesionalizar o fútbol feminino. Custou, pero as mulleres sabemos que todo o que conseguimos ao longo da historia custa moito. Estamos preparadas para as batallas que sexa necesario librar e o bo de 2020 é que toda a sociedade está detrás", manifestou a secretaria de Estado.

Según Lozano, “para as xogadoras saber que xogan en condicións de igualdade cos homes, máis aló das manifestacións materiais que poida ter, é un principio universal de xustiza, e poderán traballar con máis seguridade. Vai ser un gran cambio para todas as mulleres españolas".

En palabras da secretaria de Estado, o proxecto de profesionalizar o fútbol feminino impulsado polo CSD “é das xogadoras, pola súa igualdade e os seus dereitos, pero tamén é de todas as españolas”.

“Isto converteuse nunha causa social porque somos conscientes que cando un grupo de mulleres avanza todas avanzamos. Ese alento de todas as mulleres españois tamén o senten as xogadoras", engadiu.

Irene Lozano anunciou o pasado mes de setembro, durante o acto de entrega dos Premios Lilí Álvarez celebrado no Instituto da Muller en Madrid e ante a directora deste centro, Beatriz Gimeno Reinoso, e da secretaria de Estado de Igualdade e contra a Violencia de Xénero, Noelia Vera Ruiz-Herrera, a intención do Goberno de profesionalizar a liga de fútbol feminino.