O Goberno destina 49 millóns de euros ás Comunidades Autónomas para modernizar o sector do deporte

O Consello de Ministros autorizou os criterios de repartición entre as comunidades autónomas e as cidades de Ceuta e Melilla que serán aprobados proximamente no marco da Conferencia Sectorial de Deporte

Este investimento enmárcase dentro da liña de Transición Ecolóxica do Plan de Recuperación, Transformación e Resiliencia e realizarase durante o último trimestre de 2021

Madrid, 02 de novembro de 2021.- O Consello de Ministros, a pedimento do ministro de Cultura e Deporte, Miquel Iceta, aprobou na súa reunión de hoxe o acordo polo que se autoriza a proposta de distribución territorial e os criterios de repartición dos créditos xestionados polas comunidades e cidades autónomas de Ceuta e Melilla co obxectivo de desenvolver reformas e investimentos orientados á dinamización, reestruturación e modernización do sector do deporte por un importe de 49 millóns de euros durante 2021.

Esta partida enmárcase dentro da liña de Transición Ecolóxica do Plan de Recuperación, Transformación e Resiliencia  e destinarase a integramente a renovar instalacións dos Centros de Alto Rendemento e Tecnificación Deportiva repartidos por toda a xeografía española. Trátase de impulsar a adaptación dos mesmos á nova realidade socioeconómica mediante os procesos de transformación dixital e de transición ecolóxica que sexan necesarios para a súa modernización.

En concreto, as accións que levarán a cabo enmárcanse dentro do proxecto “Modernización de Centros de Alto Rendemento: Plan Enerxía Deporte 2.0”. Nel contémplanse diversas accións destinadas á substitución das enerxías actuais que empregan no seu funcionamento por outras con menores emisións contaminantes, así como a renovación de equipos para a obtención do máximo rendemento enerxético de cada un dos sistemas dos que dispoñen.

Polo menos 54 centros de tecnificación e/ou instalacións deportivas beneficiaranse destes 49 millóns o que lles permitirá renovar os seus equipamentos, mellorar a súa eficiencia enerxética e actualizar as súas infraestruturas.

Tras a autorización dos criterios de repartición por parte do Consello de Ministros, será a Conferencia Sectorial de Deporte a que proximamente os aprobe con carácter definitivo. Así, os recursos que xestionarán as comunidades e cidades autónomas de Ceuta e Melilla terán a seguinte distribución a partir dos datos obtidos da Rede de centros de Tecnificación: