O mundo do deporte envórcase para celebrar o Día de Europa

Madrid, 7 de maio de 2025.- O mundo do deporte únese esta semana para celebrar o Día de Europa (9 de maio), coa campaña #ElDeporteConEuropa, organizada polo Parlamento Europeo, a Comisión Europea e o Consello Superior de Deportes.

Decenas de competicións en todo o país destacarán o vínculo do deporte con Europa e a defensa dos seus valores.

No caso de LaLiga, a campaña desenvolverase co lema #LaLigaConEuropa.

Ademais, varias federacións deportivas mostrarán o seu apoio, nas súas respectivas competicións, aos símbolos da Unión Europea, como a bandeira e o himno, e subliñarán que os valores do deporte e os de Europa son os mesmos, nun momento no que se cumpren 80 anos do final da Segunda Guerra Mundial, 40 anos da sinatura do Tratado de adhesión de España e Portugal á UE, e 75 anos da declaración Schuman. A democracia, os dereitos humanos e o respecto unen a Europa e o deporte.

Accións destacadas para conmemorar o Día de Europa

Venres, 9 de maio

- 14:30 horas: Sexta etapa da Volta Ciclista Feminina entre Becerril de Campos e Baltanás (Palencia). Entregarase unha camisola especial conmemorativo do Día de Europa a unha das corredoras ao finalizar a etapa, ao redor das 14:30 horas.

Participará a ministra de Igualdade, Ana Redondo. Compiten preto de 200 corredoras en 21 equipos. A carreira componse de sete etapas e cubrirá unha distancia total de 748 quilómetros desde o 4 de maio ata o 10 de maio de 2025.

Sábado, 10 de maio

- 16:30 horas: Liga AXA de Natación Paralímpica en Valladolid. A cuarta etapa da Liga AXA contará coa presenza de Iratxe García (S&E), presidenta da Alianza Progresista de Socialistas e Demócratas no Parlamento Europeo, que participará na inauguración do acto, onde soará o himno europeo.

Domingo, 11 de maio

- 16:15 horas. Partido dA Liga entre o FC Barcelona e o Real Madrid CF no Estadio Olímpico Lluís Companys (Barcelona). Celebrarase un acto institucional no palco antes do partido con presenza de autoridades e entrega dunha bandeirola conmemorativa.

Os xogadores sairán ao campo acompañados de nenos vestidos cun equipamento deportivo da Unión Europea e con bandeiras de Europa.

Ademais, á beira das bandeiras oficiais do estadio ondeará a da Unión Europea e os abanderados do club levarán bandeiras europeas nos laterais do campo antes do partido.

Todo o fin de semana 

Os capitáns os 42 equipos de LaLiga EA Sports (Primeira División) e LaLiga HyperMotion (Segunda División) levarán un brazalete coa bandeira europea nos 21 partidos que se disputarán na xornada. Durante a retransmisión dos partidos, a realización incluirá unha bandeira da Unión Europea á beira do marcador.

As federacións deportivas españolas despregarán bandeiras, bandeirolas e brazaletes europeos para celebrar o Día de Europa durante as súas competicións do 9, 10 e 11 de maio. Farán soar tamén o himno europeo antes dos seus partidos e competicións.