O piragüismo e o tríatlon formarán parte do programa paralímpico nos Xogos de Río 2016

No encontro celebrado na cidade chinesa de Gaungzhou, o órgano de goberno do Comité Paralímpico Internacional (IPC) acordou aumentar o número de deportes que comporán o programa dos Xogos Paralímpicos de Rio 2016 ata 22, coa inclusión do piragüismo e o tríatlon.

O sete deportes candidatos foron o badminton, o baloncesto para persoas con discapacidade intelectual, o piragüismo, o golf, o fútbol en cadeira de rodas eléctrica, o taekwondo e o tríatlon.

Os 20 deportes que actualmente forman parte do programa dos Xogos Paralímpicos de verán son o tiro con arco, atletismo, boccia, ciclismo en pista e en ruta, equitación, fútbol  5, fútbol  7, goalball, judo, halterofilia, remo, vea, tiro, natación, tenis de mesa, voleibol sentado, baloncesto en cadeira de rodas, esgrima en cadeira de rodas, rugby en cadeira de rodas e tenis en cadeira de rodas.

• Máis información na páxina web do Comité Paralímpico Internacional.

*Atoparás estas e outras noticias sobre deporte adaptado no programa “Paralímpicos”, que se emite os xoves pola noite, entre as 23.00 e as 1.00 horas na canle temática de TVE Teledeporte.

Ademais, nesta nova etapa o programa tamén ten un oco na canle temática de información de TVE, a Canle 24h, onde se emite todos os domingos ao redor das 14,50.

O programa “Paralímpicos” está producido polo Comité Paralímpico Español e emítese en TVE no marco do Plan ADO Paralímpico (ADOP). Está locutado por Salvador Martín Mateos e tamén se pode ver en internet a través da páxina web do Comité Paralímpico Español (www.paralimpicos.es), nunha canle propia en Youtube (www.youtube.com/user/tvparalimpicos) e no portal Televeo ( www.televeo.com ).