O Real Madrid e o Consello Superior de Deportes impulsan un gran centro de aprovisionamento de material sanitario no Santiago Bernabéu

Madrid, 26 de marzo de 2020.- El Real Madrid Club de Fútbol, en colaboración co Consello Superior de Deportes e a través do Ministerio de Cultura e Deporte, pon en marcha un proxecto en Madrid para o aprovisionamento e distribución de insumos sanitarios estratéxicos dirixidos á loita contra a pandemia da Covid-19.

Grazas á estreita colaboración destas dúas institucións, o estadio Santiago Bernabéu converterase nun espazo adaptado para almacenar as doazóns de insumos sanitarios destinados a loitar contra esta pandemia.

Todo este material será entregado ás autoridades sanitarias españolas, baixo a autoridade do Goberno do Estado, de forma que se poida facer un uso óptimo e eficiente destes recursos, tan necesarios ante a actual emerxencia sanitaria.

Ademais, o club madrileño facilitará ás entidades e empresas, moi especialmente aquelas vinculadas ao deporte, a posibilidade de facer chegar a este centro as doazóns económicas ou o material que estimen oportuno entregar ao Ministerio de Sanidade. Este mecanismo será complementario daqueles que, con fins solidarios similares, poida activar o Goberno.

O Ministerio de Sanidade será, a través dos mecanismos que xa están en funcionamento e sempre baixo a supervisión do centro principal de insumos sanitarios situado na localidade madrileña de Valdemoro, o responsable de asignar as doazóns aos centros e entidades máis necesitadas.

O teléfono de coordinación deste gran centro de aprovisionamento de material sanitario no estadio Santiago Bernabéu é o 900 100 688.

También poderase contactar por correo electrónico: Covid19donaciones@corp.realmadrid.com.

Así mesmo, queda habilitada a seguinte conta corrente da Fundación Real Madrid para as doazóns: É17 2100 5731 7802 0032 0934 (Caixabank)